Chandel: चांदेलमध्ये पूरस्थिती नियंत्रणात; पाणी गेल्यानंतर वाहतूक सुरू

पेडणे: संततधार पडणाऱ्या पावसामुळे कळणे नदीच्या पातळीत वाढ झाल्याने चांदेल गावात पूरस्थिती उद्‍भवली. यामुळे गुरुवारी सकाळपासून ११.३० वाजेपर्यंत नागझर व कासारवर्णे गावचा संपर्क तुटला होता.

मात्र सध्या पूरस्थिती नियंत्रणात असल्याचे सांगण्यात आले. चांदेल गावच्या दोन्ही बाजूंनी वाहने अडकून पडल्याने लोकांची बरीच गैरसोय झाली. दुपारी १२ वाजल्यापासून पुराचे पाणी ओसरू लागले व १ वाजल्यापासून रस्त्यावरील पाणी गेल्यानंतर वाहतूक सुरू झाली.

येथील रहिवाशी रमेश शेटये म्हणाले की , कळणे नदीत गाळ व अनेक जलपर्णी वाढल्या आहेत, त्यामुळे मोठा पाऊस झाल्यावर हे नदीचे पाणी गावात येते. त्यासाठी या नदीतील गाळ उसपल्यास वाढलेली झाडे हटवल्यास गावात पूरस्थिती उद्‍भवणार नाही.