पणजी: केंद्रीय शिक्षण मंत्रालयाने इंडियन इन्स्टिट्यूट ऑफ टेक्नॉलॉजीने (IIT) 19 सप्टेंबर 2022 रोजी, धारवाडचे संचालक पशुमार्थी शेषू यांची IIT गोवा संचालक म्हणून नियुक्ती करण्याचा आदेश जारी केला होता. तथापि, शेषू यांनी आता नियुक्ती घेण्यास नकार दिला आहे. सध्या प्राध्यापक बी के मिश्रा आयआयटी गोवाच्या कामकाजावर देखरेख करत आहेत.
(Challenges remain for IIT Goa newly appointed director Pashumarthi Seshu declines post)
राज्यात 2016 मध्ये स्थापन झालेल्या संस्थेसाठी तसेच कायमस्वरूपी कॅम्पससाठी जमीन मिळवण्यासाठी राज्य सरकारला अनेक अडचणींना सामोरे जावे लागले, यामुळे आयआयटी गोवा चांगलेच चर्चेत आहे.
“शेषू यांनी आयआयटी धारवाडच्या उभारणीत मदत केली आहे. यामुळेच ते कदाचित तिथेच आयआयटी विस्ताराला प्राधान्य देत असतील. आयआयटी गोवा हे नवीन संचालकांसमोर मोठी आव्हाने म्हणूनही पाहिले जात आहे. कारण, ते तात्पुरत्या कॅम्पसमधून कार्य करते आणि यामुळेच संस्थेच्या कार्यावर आणि विस्तारावर मर्यादा येत आहेत.
मिश्रा यांचा IIT गोवा संचालक म्हणून कार्यकाळ 8 मार्च 2021 रोजी संपला असुन, नवीन संचालकाची नियुक्ती होईपर्यंत ते मुदतवाढ देत होते. शेषू यांना नवीन संचालक म्हणून घोषित केल्यानंतर, मिश्रा यांना त्यांच्या कर्तव्यातून मुक्त केले जाणार होते. मात्र आता शेषू यांनी नकार दिल्यामुळे विचित्र परिस्थिती निर्माण झाली आहे. आयआयटी गोवाचा पदभार कोणाकडे आहे याबद्दल अद्याप अधिकृत घोषणा नाही, आयआयटीसाठी मंत्रालयाने नवीन उमेदवार शोधणे अपेक्षित आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
