रुमडामळ-दवर्ली येथे भावाच्‍या खुनाचा बदला घेण्‍यासाठी कादरखान खानजादे याने सादिक बेळ्‍ळारी या युवकाचा खून करण्‍यासाठी ज्‍या कोयत्‍याचा वापर केला, तो कोयता संशयितांनी कर्नाटकात पळून जाताना वाटेत फेकून दिला होता.
सदर कोयता हस्‍तगत करणे पोलिसांसमोर एक आव्‍हान बनले आहे. संशयिताला कारवारला नेऊन कोयता हस्‍तगत करण्‍याचा पोलिसांनी प्रयत्‍न केला, मात्र त्‍यांना यश आले नाही अशी माहिती प्राप्‍त झाली आहे.
1 सप्‍टेंबर रोजी दिवसा‍ढवळ्‍या हा खून झाला होता. तीन वर्षांपूर्वी सादिकच्‍या हातून मारला गेलेला आपला भाऊ मुजाहिदच्‍या खुनाचा बदला घेण्‍यासाठी कादरने सकाळी सादिकच्‍या घरी घुसून कोयत्‍याने त्‍याचा गळा कापला होता. त्‍यानंतर तौसिफ कडेमणीसह तो सौनुरला गेला होता. वाटेत त्‍याने कोयता फेकला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
