![SADANAND SHET TANAVADE](http://media.assettype.com/dainikgomantak%2F2023-08%2F0414e7ec-74be-4474-895c-f3f99d202e8a%2Fsadanand_shet.png?rect=0%2C0%2C1200%2C675&w=480&auto=format%2Ccompress&fit=max)
Goa Sports University: गोव्यातील युवकांच्या भविष्याचा विचार करून गोव्यात 'आंतरराष्ट्रीय क्रीडा विद्यापीठ' स्थापन करावे, अशी विनंती राज्यसभा खासदार सदानंद शेट तानावडे यांनी पंतप्रधान नरेंद्र मोदींना केली आहे. केंद्रीय विद्यापीठ (दुरुस्ती) विधेयक 2023 च्या समर्थनार्थ राज्यसभेत भाषण करताना त्यांनी हा मुद्दा मांडला.
ते म्हणाले की, राज्यात क्रीडा क्षेत्राच्या दृष्टीने पोषक वातावरण आहे. त्यामुळे या दूरदर्शी उपक्रमामुळे गोव्यातील विविध क्रीडा शाखेतील तरुणांना त्यांच्या अफाट क्षमता आणि वैविध्यपूर्ण प्रतिभांचा उपयोग करणे शक्य होणार आहे.
गोव्यासारख्या राज्यात आंतरराष्ट्रीय क्रीडा विद्यापीठ झाल्यास युवकांसाठी नवीन शैक्षणिक मार्गच खुले होणार नाहीत तर विद्यार्थ्यांसाठी उच्च कुशल करिअरचे मार्ग आणि उद्योजकीय संधींचे दरवाजेही उघडतील.
शैक्षणिक उपक्रमांच्या पलीकडे क्रीडा प्रशिक्षण, व्यवस्थापन आणि शारीरिक शिक्षणातील संशोधनाला चालना मिळेल. तसेच वाढत्या स्पोर्ट्स मीडिया क्षेत्रात मुलांना आपले पाय रोवण्यास मदत होईल, असे तानवडे यावेळी म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.