Goa AAP: शिक्षण खात्याच्या अहवालामुळे 'भाजप'चा खरा चेहरा समोर; आपची घणाघाती टीका

Education Report Goa AAP Allegations

पणजी: केंद्र सरकारच्या शिक्षण खात्याने नुकत्याच जारी केलेल्या अहवालामुळे गोव्यातील भाजप सरकारचा खरा चेहरा समोर आला आहे. या अहवालामुळे राज्यातील सरकारी शाळांत मूलभूत सुविधांचा किती वाणवा आहे, हे यावरून स्पष्ट झाल्याचा आरोप ‘आप'' नेते रामराव वाघ यांनी केला.

पणजीत आपच्या कार्यालयात शनिवारी झालेल्या पत्रकार परिषदेत वाघ बोलत होते. यावेळी सलमान खान व रॉक मास्कारेन्हास उपस्थित होते.

वाघ म्हणाले की, केंद्रीय अहवालानुसार राज्यात एकूण १ हजार ४८७ शाळा आहेत. यामध्ये ७८९ सरकारी शाळा आहेत. सरकारी शाळेत संगणकाचे प्रमाण केवळ २१ टक्के आहे. सध्याच्या युगात संगणक ही गरज बनलेली असताना केवळ २१ टक्के सरकारी शाळेत संगणक उपलब्ध असणे, ही धक्कादायक बाब आहे. याउलट राज्यातील ९५ टक्के अनुदानित शाळेत संगणक सुविधा उपलब्ध आहे.