Republican Party of India: रिपब्लिकन पार्टी ऑफ इंडियाचे राष्ट्रीय अध्यक्ष रामदास आठवले (Ramdas Athawale) यांनी मंगळवारी (दि. 10 ऑक्टोबर) गोव्यात पत्रकार परिषद घेतली.
आठवले यांनी यावेळी राज्य सरकारकडे विविध मागण्या केल्या आहेत. आठवलेंनी गोव्यात जातीनिहाय जनगणना, SC-ST समाजाला जमीन देण्यासह विविध नऊ मागण्या केल्या आहेत.
काय आहेत मागण्या
1) पर्वरीत सहा डिसेंबर 2023 पूर्वी डॉ. बाबासाहेब आंबेडकर यांच्या पुतळ्याची पायाभरणी करावी.
2) देवस्थान समितीच्या जमिनीत समावेश झालेल्या एससी, एसटी समाजातील लोकांना मालकी अधिकार द्या.
3) एससी, एसटी समाजातील लोकांना कसण्यासाठी जमीन देण्यात यावी.
4) गोव्यात जातीनिहाय जनगणना करा.
5) दिवंगत माजी मुख्यमंत्री मनोहर पर्रीकर यांनी जाहीर केल्याप्रमाणे राज्यातील एससी, एसटी समाजाचे आरक्षण 2 वरुन 5 टक्के केले जावे.
6) एससी, एसटी प्रमाणपत्र देण्यासाठी 1968 ऐवजी 1987 हे वर्ष ग्राह्य धरावे
7) गोव्यात एससी, एसटी समाजासाठी स्वतंत्र वित्त विकास महामंडळ स्थापन करण्यात यावी
8) राज्यात एससी समाज कल्याण विभागाची करण्यात यावी
9) वार्षिक अर्थसंकल्पात एससी समाजासाठी स्वतंत्र अर्थिक तरदूत करण्यात यावी.
गोव्यात ST समाजाला आरक्षण अशक्य
गोव्यात एसटी समाजाच्या राजकीय आरक्षणावरुन वाद होत असताना राज्यात एसटी आरक्षण अशक्य असल्याचे विधान रामदास आठवले यांनी केले. राज्यात या समाजाची संख्या कमी असल्याने आरक्षण अशक्य असल्याचा दावा मंत्री आठवले यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.