मडगाव: कॅसिनोमुळे कोणत्‍या वाईट गोष्‍टी राज्‍यात शिरकाव करतात, हे आम्‍हाला पणजीतील कॅसिनोमुळे कळून चुकले आहे. त्‍यामुळे दक्षिण गोव्‍यात आम्‍ही अशा कॅसिनो संस्‍कृतीला कुठल्‍याही परिस्‍थितीत थारा देणार नाही.
दक्षिण गोव्‍यात ऑफ शाेअर कॅसिनो आणण्‍याचा प्रयत्‍न केल्‍यास आम्‍ही त्‍याला कडाडून विरोध करू, अशी प्रतिक्रिया बाणावलीचे आमदार व्हेंझी व्‍हिएगस यांनी व्‍यक्‍त केली.
दक्षिण गोव्‍यातील साळ नदीत ऑफ शाेअर कॅसिनो सुरू करणार, अशा आशयाचे सध्‍या वृत्त पर्यटन व्‍यवसाय क्षेत्रात पसरलेले आहे. या पार्श्‍वभूमीवर व्‍हिएगस यांचे मत विचारले असता, माझ्‍या बाणावली मतदारसंघात जर कुठलाही ऑफ शोअर कॅसिनो आणत असल्‍यास त्‍याला माझा विरोधच असेल.
कॅसिनो संस्‍कृती ही अशी एक घातक संस्‍कृती आहे की, तिच्‍या पाठोपाठ वेश्‍‍या व्‍यवसाय आणि दारू या दोन वाईट वृत्ती फोफावतात. ज्‍यामुळे त्‍या भागातील तरुण पिढी बरबाद होऊ शकते. आम्‍हाला आमची तरुण पिढी बरबाद करायची नाही, असेही त्‍यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.