गोव्यातील काजू उत्पादकांना सरकारच्या मदतीची अपेक्षा

केपे: केपे आणि सांगे परिसरात मागच्या तुलनेत या हंगामात काजूचे उत्पादन कमी झाल्याने काजू उत्पादकांना मोठा फटका बसला आहे. याबाबत बर्‍याच शेतकऱ्यांनी तक्रार केली. केपे आणि सांगे भागातील काही शेतकऱ्यांनी गेल्या वर्षाच्या तुलनेत अर्धेही काजू उत्पादन घेतलेले नाही. (cashew farmers expecting aid from goa government)

एका शेतकऱ्याने आपली खंत व्यक्त केली , “यावर्षी काजूचे उत्पादन खूपच कमी झाले आहे. त्याच बरोबर काजूच्या बियांना योग्य दरही मिळत नाही.आम्ही हंगामाच्या शेवटच्या टप्प्यात आहोत. आता जर पाऊस (Rain) पडला तर त्याचा पीक उत्पादनावर परिणाम होईल.”

सांगे येथील आणखी एक शेतकरी (Farmer) म्हणाले, "यावर्षी काजूचे फारसे उत्पादन नाही. आम्हाला जे काही काजूचे उत्पन्न मिळाले आहे त्यावरही हवामान बदलामुळे परिणाम होण्याची शक्यता आहे. उन्हाळ्यात पाऊस पडण्याची भीती आहे ज्यामुळे उत्पादनाचे आणखी नुकसान होईल."

अशा कठीण काळात काजू उत्पादकांना सरकारची साथ हवी, असे अनेक शेतकऱ्यांचे मत आहे.
"सरकारने काजू उत्पादकांना दर वाढवण्यासाठी मदत करावी," असे शेतकरी म्हणाले.