Cashew Production In Goa: थंडीमुळे काजूला मोहोर, मात्र 'यामुळे' उत्पादनावर होऊ शकतो परिणाम

सध्या गोव्याच्या सर्वच भागात कडाक्याची थंडी पडत आहे. आंबा-काजू हंगामाच्या सुरुवातीला आवश्यक असं थंड हवामान सुरु झाल्याचे काजूला मोहोर येण्याच्या (फळधारणा होण्याच्या) दृष्टीने सुयोग्य परिस्थिती आहे. Cold Wave In Goa

मात्र थंडी बरोबरच दव पडत असल्याने बागायतदार काहीसे चिंतीत आहेत. कारण दव पडण्याचे प्रमाण आणखी काही दिवस असेच राहिल्यास आलेल्या मोहोराची पूर्णपणे वाट लागणार असून पडणाऱ्या दवामुळे मोहोर करपण्याची (जळण्याची) भीती आहे.

तापमान आतापर्यंत उत्कृष्ट असून पाऊसही पडला मात्र हवेत दव जास्त आहे, त्यामुळे मोहोर खराब होण्यासाठी आणि कीड लागण्यासाठी अनुकूल परिस्थिती निर्माण होऊ शकते. "हवामानाची परिस्थिती अनुकूल नसल्यास, नवीन काजूची फुले अनेकदा सुकतात किंवा स्थानिक शेतीच्या दृष्टीने "जाळतात", एकदा कीटकांनी आक्रमण केले कि उत्पन्नात घट होते," असे कृषी संचालक, नेव्हिल अल्फोन्सो म्हणाले.

गतवर्षी प्रदीर्घ पावसामुळे काजू पिकाचे उत्पादन उत्पादनापेक्षा 40% कमी आहे. काजू हे गोव्यातील शेतकऱ्यांचे मुख्य नगदी पीक आहे आणि जर खराब हवामानाच्या परिस्थितीमुळे त्याचा फटका बसला, तर शेतकऱ्यांच्या उत्पादनावर त्याचा नक्कीच परिणाम होणार आहे. बुधवारी, सकाळी 9 वाजेपर्यंत दव पडत होते. अशी परिस्थिती असण्याचा हा सलग चौथा दिवस असून वाळपईसहीत आजूबाजूच्या इतर क्षेत्रातील शेतकऱ्यांचे नुकसान होऊ शकते.