Anjuna: उत्तर गोव्यातील हणजुणे बीच परिसरात सातत्याने रात्री उशिरापर्यंत पार्ट्या सुरू असतात. या पार्ट्यांमध्ये मोठ्या आवाजात संगीत लावलेले असते. त्याचा त्रास परिसरातील, गावातील नागरिकांना होत असल्याच्या तक्रारी वारंवार झाल्या आहेत. अशाच पद्धतीच्या एका तक्रारीतून हणजुणे येथील एका कॅफेच्या व्यवस्थापकाविरोधात गुन्हा दाखल करण्यात आला आहे.
म्हापसाचे एसडीपीओ जिवबा दळवी यांच्याकडे याबाबत अंजुना ग्रामपंचायतीच्या तलाठ्यांनी तक्रार दिली होती. 04 जानेवारी रोजी ध्वनी प्रदुषणाबाबतची ही तक्रार दाखल करण्यात आली होती. 04 जानेवारी रोजी रात्री वागातोर येथील कॅफे ला म्युझिका या कॅफेत रात्री उशिरापर्यंत या कॅफेमध्ये जोरजोरात संगीत वाजत होते. या तक्रारीच्या आधारे अंजुना पोलिसांनी पर्यावरण संरक्षण कायद्याच्या कलम 15 अंतर्गत गुन्हा दाखल करून घेतला होता.
त्यानंतर पोलिसांनी संबंधित कॅफेत जाऊन येथे संगीतासाठी वापरात येत असलेली इलेक्ट्रॉनिक वाद्ये आणि स्पीकर जप्त केले आहेत. उत्तर गोव्याचे पोलिस अधीक्षक निधिन वाल्सन यांच्या मार्गदर्शनानुसारक एसडीपीओ जिवबा दळवी यांच्या मार्गदर्शनाखाली पुढील तपास केला जात आहे. दरम्यान, या प्रकरणी कॅफे ला म्युझिकाच्या व्यवस्थापकासह मालकावर गुन्हा दाखल करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.