Goa Molestation Case
गोवा विद्यापीठातील वाणिज्य शाखेतील पदव्युत्तर दुसऱ्या वर्षातील विद्यार्थिनीला कक्षात बोलावून तिचा विनयभंग व लैंगिक छळ केल्याप्रकरणी सहाय्यक प्राध्यापकाविरोधात महिला पोलिसांनी गुन्हा नोंद केला आहे. पोलिसांनी त्याच्या निवासी पत्त्यावर नोटीसवजा समन्स बजावून उद्या १ सप्टेंबर रोजी सकाळी १० वा. महिला पोलिस स्थानकात चौकशीसाठी उपस्थित राहण्यास सांगितले आहे.
पीडितेच्या वडिलांनी महिला पोलिस स्थानकात काल गोवा विद्यापीठातील सहाय्यक प्राध्याप श्रीराम पदियाल विरुद्ध तक्रार दाखल केली आहे. या प्राध्यापकाने विद्यार्थिनीला कक्षात बोलावून व तिला अयोग्यरित्या स्पर्श केला. यामुळे घाबरलेल्या विद्यार्थिनीने ही बाब पालकांना सांगितली होती. पालकांनी विद्यापीठ निबंधकांकडे तक्रार केली, मात्र विद्यापीठाकडून कारवाई न झाल्याने तिच्या वडिलांनी एका आमदाराला माहिती दिली. या आमदाराने मुख्यमंत्र्यांनी यात हस्तक्षेप करून चौकशीची मागणी केली.
विद्यापीठ परिसरात रंगली चर्चा
प्राप्त माहितीनुसार आंध्रप्रदेशमधील सहाय्यक प्राध्यापक श्रीराम पदियाल हे गोवा विद्यापीठात २०१८ साली रूजू झाले होते. ते वाणिज्य शाखेचे प्राध्यापक आहेत. त्यांनी एम. कॉम व पीएचडीचे शिक्षण पूर्ण केले आहे. प्राध्यापकाविरुद्ध दाखल झालेल्या गुन्ह्यामुळे विद्यापीठ विद्यार्थ्यांत आज दिवसभर चर्चा सुरू होती. पीडित विद्यार्थिनीसोबत ज्या विद्यार्थिनी या प्राध्यापकाच्या केबिनमध्ये घटनेच्या आदल्या दिवशी गेल्या होत्या, त्यांच्या जबान्या नोंदवण्यात येणार आहेत, अशी माहिती सूत्रांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
