Bicholim Accident: डिचोलीत कारच्या धडकेत वीजखांब मोडला, बाजूच्या लेनमधून जाणारी कार आणि चालक सुदैवाने बचावला

बसस्थानकाजवळील बगलमार्गावर आज (बुधवारी) एक विचित्र अपघात घडला. एक कार चक्क बगलमार्गावरील विभाजकावर चढली. कारच्या धडकेबरोबर बगलमार्गावरील एक विजेचा खांबही मोडून पडला. या अपघातात दुसऱ्या बाजूच्या लेनमधून जाणारी कार आणि चालक सुदैवाने बचावला.

जीए-०४-टी-७४७९ या क्रमांकाची कार बगलमार्गावर कारने उसळी घेतली आणि ती विभाजकावरून विजेच्या खांबाला धडकली, अशी माहिती खुद्द कारचालकाने दिली. त्याबरोबर विजेचा खांब मोडून पडला. या अपघातामुळे बगलमार्गावरील वाहतुकीवर साधारण तासभर परिणाम झाला. बगलमार्गावरील दुसऱ्या लेनवरून वाहतूक बंद होती. पोलिसांनी अपघाताचा पंचनामा केला.