चोर्ला घाटात दोन कारमध्ये धडक ; सर्व प्रवासी जखमी

पणजी : चोर्ला घाटात रविवारी दोन कारमध्ये अपघात झाला. या अपघातात दोन्ही कार मधील सर्व प्रवासी जखमी झाले झाले. त्यांना उपचारासाठी बेळगाव येथील रुग्णालयात दाखल करण्यात आले आहे.

पावसाळ्यात चोर्ला घाटात अपघाताचे प्रमाण वाढते. रविवारी एक कार गोव्यातून बेळगावच्या दिशेने जात होती, तर दुसरी कार उलट दिशेने येत होती. घाटात या दोन्ही कारची धडक झाली. अपघातात जखमी झालेल्या लोकांना तातडीने रुग्णालयात हलवण्यात आले. त्यांच्यावर उपचार सुरू आहे. या धडकेत दोन्ही कारचे नुकसान झाले आहे.

घाटातील झाडे धोकादायक आहेत, असे वाहनचालकांचे म्हणणे आहे. सरकारने या गोष्टीची दखल घेत ही झाडे तोडावीत, अशी वाहनचालकांची मागणी आहे.