Accident At Porvorim: पर्वरीत अटल सेतुच्या खाली भरधाव कार दुभाजकावर आदळली; ट्रॅफिक जॅममुळे वाहतूक विस्कळीत

Accident At Porvorim: गोव्यातील पर्वरी येथे सोमवारी दुपारी अटल सेतुच्या खाली कारचा अपघात झाला. या भरधाव कारवरील ड्रायव्हरचे नियंत्रण सुटून ही कार दुभाजकावर धडकली. गोवा सचिवालयाच्या समोरच हा अपघात घडला. सुदैवाने या अपघातात जीवीतहानी झालेली नाही. तथापि, कारचे मोठे नुकसान झालेले आहे.

दरम्यान, या अपघातामुळे येथील वाहतूक विस्कळीत झाली होती. तसेच वाहनांच्या लांबलचक रांगांमुळे मोठ्या प्रमाणात ट्रॅफिक जॅमची स्थिती निर्माण झाली. पर्वरी-पणजी रोड या अपघातामुळे काही काळ ब्लॉक झाला होता.

पोलिसांनी तत्काळ घटनास्थळी धाव घेतली. पोलिसांनी या घटनेचा पंचनामा केला आहे. अग्निशमन दलाने ही कार हटवून वाहतुकीसाठी रस्ता मोकळा केला.