Goa News : डॉ. डोलोरेस डिसोझा यांच्या कामगिरीमुळे गोव्याच्या शिरपेचात 'मानाचा तुरा'

Goa News : गोमंतकीय डॉ. डोलोरेस डिसोझा यांची भारतीय लष्कराच्या मेडिकल कॉर्प्समध्ये कॅप्टनपदी नियुक्ती करण्यात आली आहे. त्या सध्या जम्मू-काश्मीरमध्ये लष्कराच्या 92 बेस रुग्णालयात सेवा देत आहेत. कॅप्टनपदी नियुक्तीमुळे डॉ. डोलोरेस डिसोझा यांच्यावर शुभेच्छांचा वर्षाव होत आहे.

डॉ. डोलोरेस डिसोझा यांची भारतीय लष्कराच्या मेडिकल कॉर्प्समध्ये कॅप्टनपदी नियुक्तीमुळे आमदार मायकल लोबो यांनी डॉ. डिसोझा यांचे ट्विट करत अभिनंदन केले आहे. तसेच

मी तिला शुभेच्छा देतो आणि मी प्रार्थना करतो की प्रभु तिला मार्गदर्शन करेल आणि तिचे रक्षण करेल.

मी कॅप्टन डॉ. डोलोरेस डिसोझा यांना लष्कराच्या मेडिकल कॉर्प्समध्ये नियुक्त झाल्याबद्दल अभिनंदन करू इच्छितो. त्या 92 बेस हॉस्पिटल, श्रीनगर, जम्मू-काश्मीर येथे तैनात आहेत. ही केवळ कळंगुट येथील तिचे पालक सायमन आणि कॉन्सी यांच्यासाठीच नाही तर इतर सर्व कळंगुटकरांसाठी अभिमानाची बाब आहे असे त्यांनी ट्विट मध्ये म्हटले आहे.