Canacona News : स्वच्छ समुद्रावरच कासवांचे अस्तित्व अवलंबून : नाईक

Canacona News :

काणकोण, सागरी कासवांचा अधिवास समुद्र आहे, त्यामुळे त्यांचे अस्तित्व हे स्वच्छ समुद्राच्या अस्तित्वावरच अवलंबून आहे.

त्यासाठी समुद्रात प्लास्टिक व टॉक्सिक वस्तू फेकू नका, त्याचा परिणाम जलचरांवर होत असल्याचे वन खात्याच्या दक्षिण गोवा सागरी विभागाचे क्षेत्रीय अधिकारी राजेश नाईक यांनी उपस्थितांना मार्गदर्शन करताना सांगितले.

गालजीबाग येथे सागरी कासव संवर्धन केंद्रात जागतिक कासव दिनानिमित्त विशेष कार्यक्रमाचे आयोजन करण्यात आले होते. सागरी कासव ही सागरी परिसंस्थेतील एक महत्त्वाची प्रजाती आहे.

त्यासाठी तिचे संवर्धन व संरक्षण करणे काळाची गरज आहे. या कार्यक्रमाला गोवा सागरी जीव विभागाचे नेस्टर फर्नांडिस, स्थानिक नागरिक, स्थानिक मच्छीमार व वन खात्याचे कर्मचारी उपस्थित होते.