काणकोण, नगराध्यक्षपदी सारा शंभा नाईक देसाई यांची अपेक्षेप्रमाणे बिनविरोध निवड झाली. काणकोण नगराध्यक्ष पदासाठी नगरसेविका सारा शंभा नाईक देसाई यांचा एकमेव अर्ज निर्वाचन अधिकारी तथा मुख्याधिकारी मंगलदास गावकर यांच्याकडे दाखल झाला होता.
आज (गुरुवारी) नगराध्यक्ष निवडीसाठी पालिका मंंडळाची खास बैठक बोलाविण्यात आली होती. या बैठकीला फक्त सात नगरसेवक उपस्थित होते. सध्या पालिकेत फक्त चारच नगरसेवक विरोधात होते. मात्र, लोकसभा निवडणुकीच्या पार्श्वभूमीवर त्या चारही नगरसेवकांनी मुख्यमंत्री डॉ. प्रमोद सावंत यांची भेट घेऊन दक्षिण गोवा मतदारसंघ उमेदवार पल्लवी धेंपे यांना आपला पाठिंबा जाहीर केला होता.
त्यामुळे सध्या तरी पालिकेत विरोधी गट राहिलेला नाही. सारा नाईक देसाई यांची नगराध्यक्षपदी बिनविरोध निवड झाली आहे. बिनविरोध निवड झाल्यानंतर सर्व प्रभागांतील विकासकामे करण्यास सभापती रमेश तवडकर यांच्या सहकार्याने प्रयत्न करण्यात येणार असल्याचे त्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.