काणकोण: काणकोणात मच्छीमार महिलांकडून पारंपरिकरीत्या शुक्रवारी समुद्रपूजन करण्यात आले. अमावास्येच्या दुसऱ्या दिवसापासून महिलांकडून कळसाची विधीवत पूजा करून पौर्णिमेच्या दिवशी त्याची सांगता करण्यात येते.
सुमारे पंधरा दिवस सकाळी व सायंकाळी या कळसाला दिवा-वात केली जाते. या काळात महिला मांसाहार न करता शाकाहारी जेवण जेवत असतात, असे माजी नगराध्यक्ष रत्नाकर धुरी यांनी सांगितले.
पाटणे-कोळंब येथे शुक्रवारी मच्छीमार समाजाच्या महिलांनी कळसाची विधीवत पूजा करून समुद्रात नारळ सोडला. यावेळी समुद्र देवतेकडे त्यांनी आपला पती तुझ्या पाठीवर काळ वेळ न पाहता मासेमारीसाठी जातो त्याचे रक्षण कर, अशी मागणी करतात.
तसेच समुद्र राजा तू आता शांत होऊन आम्हाला तुझी संपत्ती दे, असे मागणे मागत असतात, असे अखिल क्षत्रिय पागी समाजाचे अध्यक्ष रुद्रेश नमशीकर यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
