Cancona Tortoises Showered With Flowers: येथील पाटणे आणि गालजीबाग किनाऱ्यावर अंडी घालण्यासाठी आलेल्या कासवांचे पूजन करून त्याला आदरपूर्वक समुद्रात सोडण्यात आले.
यावेळी किनाऱ्यावर रंगलेल्या आगळ्यावेगळ्या निरोप समारंभाला देशी-विदेशी पर्यटकांसह स्थानिकांनीही गर्दी केली होती.
पाटणे किनाऱ्यावर दुपारी आलेल्या ऑलिव्ह रिडले कासवाने ८९ अंडी घातली. परत जाताना स्थानिकांनी त्याच्यावर पुष्पवृष्टी केली.
गालजीबाग किनाऱ्यावरही सागरी कासवाचे दुपारी आगमन झाले. पर्यटक व स्थानिकांनी अंडी घालून परतणाऱ्या या सागरी कासवाचे दर्शन घेतले.
यंदा आगोंद किनाऱ्यावर सागरी कासवांचे आगमन होण्याची अपेक्षा सागरी कासव प्रकल्पाच्या दक्षिण गोवा झोनचे उपक्षेत्रिय वनाधिकारी राजेश नाईक यांनी व्यक्त केली.
गालजीबाग किनाऱ्यावरून या हंगामातील पहिल्या सागरी कासवांच्या घरट्यातून ६७ पिल्ले समुद्रात सोडण्यात आली.
आगोंद वगळता दक्षिण गोव्यात कोणत्याही समुद्र किनाऱ्यावर कासवांचे आगमन होऊन त्यांनी अंडी घातल्यास त्यांच्या संरक्षणासाठी ती गालजीबाग किनाऱ्यावर स्थलांतरित करण्यात येतात. एका घरट्यातून पिल्ले बाहेर येण्यास सुमारे ४५ ते ५० दिवसांचा कालावधी लागतो. त्यानंतर त्यांना सुरक्षितपणे समुद्रात सोडले जाते.
-राजेश नाईक, वन अधिकारी, दक्षिण गोवा.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.