Goa Crime: मोबाईल फोडला, कामाच्या ठिकाणी जाऊन केला चाकूहल्ला; कळंगुट येथे परप्रांतीय तरुणांत वाद, पोलिसांत तक्रार दाखल

कळंगुट: कळंगुट येथे परप्रांतीय नुरा नामक तरुणावर शिवा नावाच्या तेलंगणातील तरुणाकडून चाकूने प्राणघातक हल्ला झाल्याची तक्रार स्थानिक पोलिसांत दाखल करण्यात आली आहे या प्रकरणात कळंगुट पोलिसांनी रितसर तक्रार दाखल करून घेतली असून पोलिस पथक शिवाच्या शोधात आहेत.

दरम्यान, नुराच्या प्रेयसीशी लगट करण्याचा शिवा तेलंगणा सातत्याने प्रयत्न करत होता, याआधीही शिवा तेलंगणा कडून आपल्याला मारहाण झाल्याची माहिती धुरा यांनी दिली. तसेच आपल्या लहान भावालाही कांदोळीतील टेकडीवर शिवा घेऊन गेला होता.

परंतु त्याने प्रसंगावधान राखीत तेथून धूम ठोकल्याने तो बचावला असे धुरा यांनी सांगितले. गुरुवारी दुपारी आपल्या अनुपस्थित शिवा आपल्या राहत्या खोलीवर गेला व त्याने आपण वापरत असलेला मोबाईल फोन फोडून टाकला व संध्याकाळी आपण काम करत असलेल्या ठिकाणी येत आपल्यावर चाकूने हल्ला केल्याचे तक्रारदार यांनी सांगितले. कळंगुट पोलिस या प्रकरणी पुढिल तपास करीत आहेत.

वास्कोत तिघांना अटक

रात्री उशिरा केलेल्या कारवाईत वास्को पोलिसांनी रेल्वे स्थानकाजवळ तिघांना अटक केली. त्यांच्याकडे मोठ्या प्रमाणात गांजा आढळला, ज्याची किंमत खुल्या बाजारात ५.३४ लाखांपेक्षा जास्त आहे.

पोलिसांनी दिलेल्या माहितीनुसार, रेल्वे स्टेशनच्या प्लॅटफॉर्म ऑफिसजवळ १७ रोजी रात्री छापा टाकण्यात आला. यावेळी वाडे येथील सपनोश्वर गौडा उर्फ गंगू आणि निलांचल गौडा (मुळ ओडिसा) तसेच त्यांना मदत करणारा निलांचल याला ताब्यात घेण्यात आले. चौहान आणि स्वप्नेश्वर यांच्याकडे ५.३४ लाख रुपयांच्या ५.३४ किलो गांजा आढळून आला.