Calangute Police: गोव्याच्या बार्देश तालुक्यातील सिकेरी येथे शुक्रवारी कळंगुट पोलिसांनी टाकलेल्या छाप्यात 8 लाख रूपयांचे अमली पदार्थ जप्त करण्यात आले आहेत. यात दीपक रावत (वय 35 वर्षे) या ओडिशाच्या तरूणाला अटक करण्यात आली आहे.
पोलिसांना एक जण ग्राहकांसाठी अमली पदार्थ घेऊन येत असल्याची माहिती मिळाली होती. सिकेरी येथील वडाच्या झाडाजवळ संशयित थांबला होता. यावेळी पोलिसांनी संबंधित ठिकाणी छापा टाकत त्याला ताब्यात घेतले.
त्याच्याकडून 8 किलो हिरवट रंगाचा अमली पदार्थ जप्त करण्यात आला आहे. तो गांजा असल्याचा संशय आहे. त्याची सध्याच्या बाजाराभावानुसार किंमत 8 लाख रूपये असल्याचे सांगितले जात आहे.
दीपक रावत याच्यावर NDPS कायदा 1985 नुसार अटकेची कारवाई करण्यात आली आहे. त्याला पोलिस कोठडी सुनावण्यात आली आहे. पोलिस त्याच्याकडे चौकशी करत आहेत.
पोलिस उपनिरीक्षक परेश सिनारी, हेड कॉन्स्टेबल विद्यानंद आमोणकर, पोलिस कॉन्स्टेबल अमीर गरड, गणपत तिलोजी, आकाश नाईक यांचा समावेश असलेल्या पोलिस पथकाने ही कारवाई केली. पुढील तपास पोलिस अधीक्षक निधिन वाल्सन, पोलिस निरीक्षक परेश नाईक यांच्या देखरेखीखाली सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.