Calangute: पर्यटन हंगामामुळे 'कळंगुट'मध्ये अवजड वाहतुकीला बंदी! जिल्हाधिकाऱ्यांकडून आदेश जारी

Heavy Vehice Banned At Calangute

पणजी: बार्देश तालुक्यातील कळंगुट पंचायत क्षेत्रात पर्यटन हंगामादरम्यान अवजड वाहतुकीवर तात्पुरती बंदी लागू करण्यात आली आहे.

उत्तर गोवा जिल्हाधिकारी डॉ. स्नेहा गित्ते यांनी मोटार वाहन कायद्याच्या कलम ११५ आणि ११६ अंतर्गत अधिकार वापरून हे आदेश जारी केले आहेत. ही बंदी २५ डिसेंबर पासून ५ जानेवारी २०२५ पर्यंत लागू करण्यात आली आहे. पर्यटन क्षेत्रामध्ये रहदारी नियंत्रित करून सार्वजनिक वाहतुकीस सुरक्षित ठेवण्याचे उद्दिष्ट असल्याचे आदेशात नमूद केले आहे.

या निर्णयाची अंमलबजावणी करण्यासाठी संबंधित पोलिस विभाग, सार्वजनिक बांधकाम विभाग आणि स्थानिक पंचायतींना निर्देश देण्यात आले आहेत. या भागांमध्ये वाहतुकीसाठी सूचना फलक उभारण्यात येणार असून आदेशांचे काटेकोर पालन करण्याचे निर्देश देण्यात आले आहेत.

पर्यटन हंगामादरम्यान वाहतुकीची सुरक्षा आणि पर्यटकांच्या सोयीसाठी हा निर्णय घेण्यात आला आहे. अवजड वाहनांमुळे होणारी वाहतूक कोंडी आणि असुविधा टाळण्यासाठी हा आदेश महत्त्वाचा आहे.