Cacra Water Shortage: ऐन पावसाळ्यात काकऱ्यात पाणीटंचाई, गणेशोत्सवात रहिवाशांना त्रास

Cacra, Panjim

पणजी: ऐन चतुर्थीच्या काळात ताळीगावमधील काकरा या गावात पाणी टंचाईमुळे स्थानिक त्रस्त आहेत. गेल्या पाच दिवसांपासून पाण्याची कमतरता निर्माण झाल्यामुळे दैनंदिन कामं देखील पूर्ण होत नाहीत आणि म्हणूनच रहिवाशांना त्रास सहन करावा लागतोय.

स्थानिकांनी एका इंग्रजी वृत्तमाध्यमाला दिलेल्या माहितीनुसार या भागात गेल्या अनेक दिवसांपासून पाण्याची गैरसोय होत असून चतुर्थीच्या काळात परिस्थिती आणखीन बिकट झाली आहे.

पावसाळयात जर का पाण्याची एवढी कमतरता असेल तर उन्हाळ्यात हीच परिस्थिती किती गंभीर होऊ शकते अशी चिंता स्थानिक व्यक्त करतायत.

सदर प्रश्नावर अनेक दिवसांपासून अधिकारी वेगवेगळी करणं देत सारवासारव करीत आहेत मात्र मुख्यमंत्र्यांनी या समस्येकडे लक्ष देत स्थानिकांचा प्रश्न सोडवावा अशी मागणी स्थानिकांनी प्रकट केली आहे.