राज्यातील 3 तालुक्यांतील 3 पंचायतींमधील प्रभागाची पोटनिवडणूक राज्य निवडणूक आयोगाने जाहीर केली आहे. ही पोटनिवडणूक 2 जुलैला होणार आहे. याबाबतची माहिती निवडणूक आयोगाच्या अधिकाऱ्यांनी दिली.
तिसवाडी, पेडणे व सासष्टी तालुक्यातील तीन पंचायतींमधील प्रभागातील जागा रिक्त झाल्याने ही पोटनिवडणूक होत आहे. तिसवाडी तालुक्यातील सांत इस्तेव्ह पंचायतीमधील प्रभाग 5, पेडणे तालुक्यातील पार्से पंचायतीच्या प्रभाग 7 तर सासष्टी तालुक्यातील धर्मापूर - शिर्ली पंचायतीच्या प्रभाग 2 मध्ये ही निवडणूक होणार आहे.
पोटनिवडणूक 2 जुलैला होणार असून मतदान सकाळी 8 ते संध्याकाळी 5 वाजेपर्यंत होईल. मतमोजणी 3 जुलैला होणार आहे. 14 जूनपासून उमेदवारी अर्ज सादर करता येणार आहे. 3 पंचायतींच्या पोटनिवडणूकीसाठी उत्तर गोवा जिल्हाधिकाऱ्यांची जिल्हा निवडणूक अधिकारी म्हणून नियुक्ती करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.