दक्षिण गोव्यातील दाबोळी विमानतळ पुन्हा एकदा चर्चेत आले असून, विमानतळावर तपासणीवेळी एका वृद्ध महिलेच्या बॅगमध्ये पिस्तुलाच्या बुलेट्स सापडल्या आहेत. पोलिसांनी वुद्ध महिलेविरोधात गुन्हा दाखल केला आहे.
(Bullets found in aged women bag on Dabolim Airport)
मिळालेल्या माहितीनुसार, नागवे - वाळपई येथील वृद्ध महिला मुंबईला निघाली होती. दरम्यान, दाबोळी विमानतळावर तपासणीवेळी तिच्या बॅगमध्ये पिस्तुलाच्या बुलेट्स सापडल्या आहेत. पोलिसांनी तात्काळ महिलेविरोधात गुन्हा दाखल केला आहे.
मागील दोन दिवसांत दाबोळी विमानतळावर दोन मोठ्या घटना समोर आल्या. पाच कोटी रूपयांचे अमली पदार्थ बाळगल्याप्रकरणी दोन परदेशी नागरिकांना अटक करण्यात आली तर, शनिवारी एका प्रवाशाने विमानाचा आपत्कालीन दरवाजा उघडण्याचा प्रयत्न केल्यामुळे तांत्रिक बिघाड होऊन तब्बल 179 जणांचा जीव धोक्यात आला होता.
दाबोळी विमानतळावर तब्बल 5 कोटींचे कोकेन जप्त
एनसीबीच्या गोवा विभागाने तब्बल 5 कोटींचे कोकेन अंमली पदार्थ जप्त केले आहेत. ही कारवाई आज एनसीबीने दाबोळी विमानतळावर केली. याप्रकरणी गोवा आणि दिल्ली येथे दोघांना अटक करण्यात आली आहे. 05 मे रोजी ही कारवाई करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.