Building Collapsed: म्हापशात बांधकाम सुरू असलेल्या इमारतीचा एक भाग अचानक कोसळला; 3 मंजूर गंभीर जखमी

म्हापसा शहराच्या मध्यवर्ती भागात, जुन्या नगरपालिकेला लागून असलेल्या 'लॉरस एन्क्लेव्ह' या बांधकाम सुरू असलेल्या बहुमजली इमारतीचा स्लॅब कोसळला. या अपघातात 4-5 कामगार जखमी झाले असून जखमींना जवळच्या उपजिल्हा रुग्णालयात दाखल करण्यात आले आहे.

अत्यंत निकृष्ट दर्जाच्या बांधकाम पद्धतीमुळे ही घटना घडल्याचा प्राथमिक अंदाज यावेळी व्यक्त करण्यात आला आहे. तसेच या घटनेमुळे म्हापसा बस स्थानक ते म्हापसा कोर्ट सर्कल या रस्त्यावर वाहतूक कोंडी झाली असून प्रवाशांची मोठ्या प्रमाणात गैरसोय झाली.