Ponda Murder Case: मेव्हण्याने दारुच्या नशेत केला दाजीचा खून; कोडार - फोंडा येथील घटनेने खळबळ

फोंडा: मेव्हाण्याने दाजीचा खून केल्याची घटना कोडार - निरंकाल फोंडा येथे उघडकीस आली आहे. मेव्हणा दारु नशेत असल्याचे समोर आले आहे. सोमवारी (०५ मे) रात्रीच्या सुमारास ही घटना घडली. पोलिसांनी याप्रकरणी संशयिताला ताब्यात घेतले आहे.

दीपक तिर्की (वय २५ मूळ रा. झारखंड) असे खून झालेल्या व्यक्तीचे नाव आहे. तर, डॅवीड टोपी (वय ३६) याला या प्रकरणी फोंडा पोलिसांनी ताब्यात घेतले आहे. घटना घडली त्यावेळी दोघेही दारूच्या नशेत असल्याची माहिती समोर आली आहे. मूळचे झारखंड रहिवासी असलेले दोघेही शेतावर काम करायचे. दरम्यान, पोलिसांनी संशयिताला ताब्यात घेतले असून, अधिक तपास सुरु आहे.