Illegal Hawker: बेकायदा फेरीवाल्यांना हटवणार बाउन्सर!

Illegal Hawker: केळशी समुद्रकिनाऱ्यावरील बेकायदेशीर फेरीवाल्यांना हटविण्यासाठी केळशी पंचायतीने तीन खासगी सुरक्षा रक्षकांची (बाउन्सर) नियुक्ती केल्याची माहिती सरपंच डिक्सन वाझ यांनी आज ग्रामसभेत दिली.

किनाऱ्यावर येणाऱ्या पर्यटकांसाठी हे फेरीवाले त्रासदायक ठरत आहेत. ही बाब आपण पर्यटनमंत्री रोहन खंवटे यांच्या कानावर घातली. पोलिसांचे संरक्षणही मागितले, पण काहीच निष्पन्न झाले नसल्याने खासगी सुरक्षारक्षकांची मदत घ्यावी लागत असल्याचे सरपंचांनी सांगितले.

मोबोर येथील दूषित पाण्याबाबत बोलताना सरपंच वाझ म्हणाले की, आपण याबाबत गोवा राज्य प्रदूषण नियंत्रण मंडळाला पत्र लिहिणार आहे.