Bori Bridge : बोरी पुलावर खड्डेच खड्डे; वाहनचालक हैराण

बोरी, बोरीचा दुरुस्त केलेला पुलाचा पृष्ठभाग पुन्हा झाला खड्डेमय. बोरी पुलाच्या पृष्ठभागाचा रस्ता खड्डेमय होऊन वाहतूकीस निकामी झाला होता. पुलावरून वाहने जाताना खुप अडथळे निर्माण होत होते.

‘गोमन्‍तक’ने या समस्येवर सचित्र वृत्त प्रसिद्ध करताच संबंधित खात्याने काही रक्कम खर्चून जून महिन्यात सिमेंटचा लेप देऊन हे खड्डे बुजवले होते.परंतु अलीकडे पडलेल्या मुसळधार पावसाने पुलाच्या पृष्ठभागावरचे खड्ड्यातील सिमेंट पूर्णपणे धूपून वाहून गेले आहे व पूर्ण रस्ता पुन्हा खड्डेमय बनला आहे.

काही खड्ड्यांतून पुलाच्या आतील लोखंडी सांगाडा दृष्टीस पडत आहे. या खड्‍ड्यांतून पाणी झिरपून सिमेंट कॉंक्रिट मधील लोखंडी सांगाडा गंजून जाण्याची शक्यता आहे. संबंधित खात्याने फेरदुरुस्ती करणे गरजेचे आहे.