पणजी : गोवा सरकारने राज्यातील खाण कंपन्यांना 6 जूनपर्यंत खाण क्षेत्र खाली करण्याचा आदेश काढला होता. त्याविरुद्ध दहा कंपन्यांनी न्यायालयीन सुट्टीच्या काळात याचिका सादर केले होते व त्याला अंतरिम स्थगिती देण्याची मागणी केली होती. मात्र मुंबई उच्च न्यायालयाच्या गोवा खंडपीठाने खाण कंपन्यांना कोणताही दिलासा देण्यास नकार दिला आहे.
खाण कंपन्यांनी सुट्टीच्या काळात अंतरिम स्थगितीसाठी याचिका दाखल केली होती. त्यामुळे न्यायालयाने सुट्टी संपल्यानंतर या अंतरिम स्थगितीसाठी याचना करावी, असे सूचना केली होती. त्यानुसार आज या खाण कंपन्यांच्या याचिका मुंबई उच्च न्यायालयाच्या गोवा खंडपीठासमोर सुनावणीस ठेवण्यात आल्या होत्या. न्यायालयाने मात्र या याचिकांवर निकाल देताना कोणतीही अंतरिम स्थगिती देण्यास नकार दिला आहे.
खाण क्षेत्र खाली करण्याचा आज शेवटचा दिवस असल्याने खाण कंपन्यांची पंचायत झाली आहे. त्यामुळे आंतरमशागतीसाठी त्यांना मुंबई उच्च न्यायालयाच्या मुख्य न्यायाधीशांकडे गोव्यामध्ये विशेष खंडपीठ या याचिकांवर सुनावणीसाठी नेमावे असे विनंती करण्याची पाळी आली आहे. मात्र आज शेवटची तारीख असल्याने खाण कंपन्यांसमोर मोठी समस्या उभी राहिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
