IIT Farmagudi Goa: फर्मागुडी आयआयटीत बॉम्ब ठेवल्याचे पत्र; पोलिस यंत्रणा अलर्ट, मोठा बंदोबस्त तैनात

फोंडा: फर्मागुडी येथील आयआयटी इमारतीत बँब ठेवल्याचे पत्र गोवा पोलिसांना मिळाले आहे. पत्र मिळताच पोलिसांनी घटनास्थळी धाव घेतली असून, परिसरात मोठा बंदोबस्त तैनात करण्यात आला आहे. बॉम्ब शोध पथकाला देखील पाचारण करण्यात आल्याची माहिती मिळाली आहे.

मिळालेल्या माहितीनुसार, गोवा पोलिसांना फर्मागुडी आयआयटी इमारतीत बँब ठेवल्याचे एक पत्र अज्ञात व्यक्तीकडून प्राप्त झाले आहे. पोलिसांकडून आयआयटी इमारत परिसरात मोठा फौजफाटा तैनात करण्यात आला आहे. खबदारीचा उपाय म्हणून पोलिसांनी विद्यार्थ्यांना इमारतीतून बाहेर काढण्यात आले आहे.

दरम्यान, बॉम्ब धमकीचे पत्र मिळाल्यानंतर पोलिस यंत्रणा अलर्ट झालीय. पोलिसांनी बॉम्ब शोधक पथकाला देखील पाचारण केले असून, इमारतीची तपासणी सुरु करण्यात आली आहे. पत्राबाबत अद्याप ठोस माहिती समोर आली नाही. पोलिस संभाव्य सर्व शक्यतांचा शोध घेत आहेत.