केपे: गुडी पारोडा ते काराळीपर्यंत तसेच मडगाव ते केपे हा रस्ता पूर्णपणे पाण्याखाली गेल्याने पारोडा येथील जनजीवन विस्कळीत झाले आहे. त्यात काल रात्री पारोडा येथील जेष्ठ नागरिक गजानन पडियार यांचे निधन झाल्याने त्यांच्यावर अंत्यसंस्कार करणे आवश्यक होते. या करीता मृतदेह मडगाव स्मशानभूमीत घेऊन जाणे आवश्यक होते. मृत व्यक्तीच्या कुटुंबियांनी समाज कल्याण मंत्री सुभाष फळदेसाई यांच्याशी संपर्क साधला. व अग्निशामक दलाच्या मदतीने मृतदेह बाहेर काढला.
प्राप्त माहितीनुसार पारोडा येथील रस्ते जलमय झाल्याने गजानन पडियार यांचा मृतदेह अंत्यसंस्कार करण्यासाठी मडगाव येथे नेण्यास मिळत नसल्याने अखेर पडियार कुटुंबियाने सांगेचे आमदार सुभाष फळदेसाई यांच्याशी संपर्क साधला. व मदतची मागणी केली असता फळदेसाई यांनी त्वरित अग्निशामक दलाच्या वरिष्ठ अधिकाऱ्यांशी चर्चा करून कुडचडे अग्निशामक दलाला मदतीसाठी पाचारण करण्याचे निर्देश देण्यात आले.
मंत्री फळदेसाई यांनी दिलेल्या निर्देशानुसार कुडचडे अग्निशामक दलाने याबाबत तातडीने घटनास्थळी दाखल झाले व अग्निशामक दलाचे दामोदर जांबावलीकर यांच्या मार्गदर्शनाखाली खास बोटीच्या सहकार्याने मृतदेह पारोडा येथून काराळी येथे आणण्यात आला व शव वाहिकेत घालून मडगाव स्मशानभूमीत अंत्यसंस्कार करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
