Blood Donation : रक्तदान हे सर्वश्रेष्ठ दान : प्रकाश तळवणेकर

Blood Donation :

पेडणे, रक्तदान हे सर्वश्रेष्ठ दान असून रक्तदानामुळे कित्येकांचे प्राण वाचविता येतात. रक्तदान माणसाला नवजीवन देण्याचे काम करते.

म्हणून रक्तदान शिबिराचे आयोजन करणे व रक्तदान करणे, हाच खरा धर्म आहे, असे मत पेडणे तालुका पत्रकार संघाचे अध्यक्ष प्रकाश तळवणेकर यांनी विर्नोडा येथे व्यक्त केले.

स्वामी नरेंद्राचार्य महाराज संस्थानातर्फे आयोजित रक्तदान शिबिराच्या उद्‍घाटनप्रसंगी डॉ. प्रणिता परब, विर्नोडा ग्रामपंचायतीच्या सरपंच सुजाता ठाकूर,

उपसरपंच दामोदर नाईक, पंचायत सदस्य मदन परब, सागर परब, स्वाती मालपेकर, अक्षता सावंत, महेंद्र परब, शैलेश काळे, संस्थेचे गोवा राज्य निरीक्षक तुषार मोरे, गोवा प्रमुख चंद्रकांत भगत आदी मान्यवर उपस्थित होते.

विलास गोवेकर, सपना हरमलकर, शैलेश काळे, सुदेश सावंत, ऋतुजा गावस, यशवंत तेमकर, रमेश गावडे, तारामती राव, मीरा सावंत, गीता गावस, रूपेश नारोजी, रामा राव यांनी पुष्पगुच्छ दिले शैलेश काळे यांनी प्रास्ताविक केले. सिया परब यांनी सूत्रसंचालन केले.