Canacona: मिरी पीक धोक्यात ‘मर’ रोगाची लागण

मिरीच्या वेलीची पाने पिवळी होऊन मिरी शेंगानी लगडलेल्या वेली सुकून त्यांना गळती लागली आहे. काणकोणात, पैंगीण, लोलये पंचायत क्षेत्रात नारळ व सुपारीच्या झाडांवर या वेली चढविण्यात येतात. बागायती पिकांबरोबरच पूरक पीक म्हणून मिरीचे पीक बागायतीत घेण्यात येते.

मात्र या पिकाला रोगाची लागण झाल्याने बागायतदार नगदी पिकाला मुकण्याची शक्यता आहे. या संदर्भात विभागीय कृषी अधिकारी किर्तिराज नाईक गावकर यांच्याशी संपर्क साधला असता मिरी (Black Pepper) पिकाला ‘मर’ रोगाची लागण होत असते. त्या रोगाचा प्रादुर्भाव टाळण्यासाठी नियमित मिरी वेलीच्या मुळाशी रोगाची लागण होण्यापूर्वी औषधांची मात्रा देणे गरजेचे आहे.