कसिनो, लिंक रोडसह मोपा विमानतळ ग्रस्त भागात भाजपची बाजी

पेडणे : मोपा विमानतळ परिसर व लिंक रोड परिसरात जी गाव आहेत, तिथे विमानतळ प्रकल्पामुळे अथवा लिंक रोडमुळे शेतकऱ्यांची जमीन, बागायतीची नुकसानी होत असल्याने त्याविरोधात लोक आंदोलन करत आहेत. आंदोलन कर्त्यावर पोलीसांनी लाठीचार्ज केलेला आहे. आंदोलन कर्त्यावर गुन्हे नोंदवलेले आहेत. सुकेकुळण धारगळ येथे कझिनोसाठी विरोध होत आहे. या पाश्वर्भूमीवर या भागात सत्ताधारी भाजपच्या विरोधात मतदान होवून लोक आपला राग व्यक्त करतील असा सर्वसाधारण अंदाज होता. मात्र नुकत्याच झालेल्या विधानसभा निवडणूकिसाठी (Assembly Election) या परिसरात भाजपला सर्वात जास्त मते मिळालेली आहेत.

मतदान केंद्र क्रमांक 19 : उगवे ईस्ट भाजप 209, मगो 149, कॉंग्रेस (Congress) 38, गोवा रिव्होल्युशनरी 34.
मतदान केंद्र क्र. 20 उगवे नॉर्थ : भाजप 194,मगो 184,कॉंग्रेस 35, गोवा रिव्होल्युशनरी 35.
मतदान केंद्र क्र.26मोपा : भाजप 402, मगो 310,कॉंग्रेस 37, गोवा रिव्होल्युशनरी 37.
मतदान केंद्र क्र.27 नॉर्थ वारखंड : भाजप 206, मगो 156, कॉंग्रेस 43,गोवा रिव्होल्युशनरी 68.
मतदान केंद्र क्र.२८ साउथ : भाजप 281, मगो 158, कॉंग्रेस 8,गोवा रिव्होल्युशनरी 43.
मतदान केंद्र क्र.29: नागझर,शमेचे आडवण ,तुळसकरवाडी भाजप 315, मगो 151, कॉंग्रेस 110, गोवा रिव्होल्युशनरी 43.
मतदान केंद्र क्र. 42 कासारवर्णे साउथ : भाजप 202, मगो 141, कॉंग्रेस 24, गोवा रिव्होल्युशनरी 36.
मतदान केंद्र 43 कासारवर्णे इस्ट नॉर्थ भाजप 242, मगो 211, कॉंग्रेस 20, गोवा रिव्होल्युशनरी 12.

मतदान केंद्र क्र.44,चांदेल :- भाजप 416, मगो 254, कॉंग्रेस 26, गोवा रिव्होल्युशनरी 42. मतदान केंद्र क्र. 45, हसापुर : भाजप 363, मगो 249, कॉंग्रेस 24, गोवा रिव्होल्युशनरी 42.
धारगळ ग्रामपंचायत क्षेत्रात होउ घातलेल्या कसिनोला जोरदार विरोध होत होता. तर दाडाचीवाडी धारगळ मधील अनेक शेतकऱ्यांना लिंक रोड साठी बागायती व जमीन ताब्यात घेण्यात आली आहे.

धारगळ ग्रामपंचायत क्षेत्रात भाजप (BJP) 2,238, मगो 1,126, कॉंग्रेस 193, गोवा रिव्होल्युशनरी 527. त्यात दाडाचीवाडी मतदान केंद्र क्र.39 मध्ये बऱ्याच शेतकऱ्याची जमीन हि पोलीस (police) बळ वापरुन लिंक रोड साठी घेण्यात आली व येत आहे.अशा या पाश्वर्भूमीवर भाजपला नेत्रदिपक यश मिळाले असून त्याची सर्वत्र चर्चा होत आहे.