मडगाव: कुडतरी भाजप गट अपक्ष उमेदवार आलेक्स रेजिनाल्ड याना पाठिंबा देणार की, आपला स्वतःचा उमेदवार उभा करणार यातील सस्पेन्स आज भाजपने (BJP) संपविला. या मतदारसंघात भाजपने एसटी मोर्चा अध्यक्ष अँथनी बार्बोजा यांना शेवटी उमेदवारी दिली.
या निवडणुकीत भाजप रेजिनाल्ड यांना पाठिंबा देणार, अशी अटकळ बांधली जात होती. मात्र, आम्ही कुडतरीत आमचा उमेदवार उभा करणार, असे प्रदेश अध्यक्ष सदानंद तानावडे (Sadanand Shet Tanawade) यांनी जाहीर केले होते. मात्र ही घोषणा करूनही उमेदवार जाहीर न केल्याने कार्यकर्त्यांत संभ्रम निर्माण झाला होता. आपल्याला उमेदवारी जाहीर केल्यामुळे बार्बोजा यांनी पक्षाचे आभार मानले. कुडतरीत भाजप कार्यकर्त्यांची संख्या बऱ्यापैकी असून या निवडणुकीत (Goa Elections 2022) आपण निश्चितच चांगली कामगिरी करू, असा विश्वास बार्बोजा यांनी व्यक्त केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
