पणजी : भाजप गोवा युवा मोर्चाने दिल्लीचे मुख्यमंत्री आणि आम आदमी पार्टीचे सर्वेसर्वा अरविंद केजरीवाल यांच्या पुतळ्याचे दहन केल्याचा दावा आप गोवा युनिटने केला आहे. तेजिंदर बग्गा प्रकरणावरुन असे करण्यात आल्याची माहिती समोर येत आहे. या दहनाचा आप गोवा युनिटने निषेध केला. (BJP is distracting people from main issue)
प्रसारमाध्यमांना संबोधित करताना आप नेते वाल्मिकी नाईक, सुरेल तिळवे आणि राष्ट्रीय युवा उपाध्यक्ष सिद्धेश भगत म्हणाले, “आम्ही गोव्याचे मुख्यमंत्री प्रमोद सावंत यांना दिल्लीत पाठिंबा देण्यासाठी बग्गा यांच्या घरी भेट देताना पाहिले आहे आणि आम्ही लोकांना अरविंद केजरीवालांचा पुतळा जाळताना पाहिले आहे. आम्ही याचा निषेद करतो,’’ असे ते म्हणाले.
एखाद्या राज्याच्या मुख्यमंत्र्यांविरोधात भाजपने वापरलेली वाईट भाषा निषेधार्ह आहे. अशा प्रकारच्या विषयांना हात घालून भाजप एलपीजी, डिझेल, पेट्रोल दरवाढ यासारख्या मुख्य मुद्द्यांवरून लोकांचे लक्ष भटकवत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
