Goa Congress Slams Bjp Government: 'भारत जोडो न्याय यात्रे'च्या दहाव्या दिवशी काँग्रेस नेते आणि मुख्यमंत्री हिमंता बिस्वा सरमा यांच्यातील राजकीय संघर्ष वाढत असताना आसाम पोलिसांनी मंगळवारी राहुल गांधी यांच्यावर गुन्हा दाखल केला. यावरून गोवा कॉंग्रेसने निषेध व्यक्त केला आहे.
घडलेल्या प्रकारावरून कॉंग्रेसने पणजीत आंदोलन करत भाजपवर टीका केली. काँग्रेस नेते राहुल गांधींवर हल्ला झाल्याचा आरोप करत गोवा प्रदेश काँग्रेस कमिटीने काल मंगळवारी भाजप नेते आणि आसामचे मुख्यमंत्री हिमंता बिस्वा सरमा यांच्या पुतळ्याचे दहन केले.
यावेळी काँग्रेस प्रदेशाध्यक्ष अमित पाटकर, आमदार कार्लोस अल्वारेस फरेरा, उपाध्यक्ष एम.के. शेख, मीडिया सेलचे अध्यक्ष अमरनाथ पणजीकर, गोव्याचे एआयसीसी अल्पसंख्याक प्रभारी तरन्नुम खान उपस्थित होते.
मणिपूरमधून सुरू झालेल्या यात्रेला राहुल गांधींना मिळत असलेल्या पाठिंब्याची भाजपला भीती वाटत असे म्हणत अमित पाटकरांनी भाजपवर निशाणा साधला.
ते पुढे म्हणाले की, भाजप आमचे नेते राहुल गांधी यांचा आवाज दाबण्याचा प्रयत्न करत आहे. कारण भारत जोडो यात्रेच्या निमित्ताने ते देशातील सामान्य जनतेच्या समस्या मांडत आहेत. आसाममध्ये भाजपने भारत जोडो न्याय यात्रेवर केलेल्या हल्ल्याचा आम्ही निषेध करतो.
याबाबत आमदार कार्लोस फरेरा म्हणाले की, राहुल गांधी लोकांना एकत्र करण्याचा प्रयत्न करत आहेत, मात्र भाजप त्यांच्या यात्रेत अडथळा आणत आहे. त्यांना मंदिरात जाण्यापासून रोखणे हे त्याचाच एक भाग आहे. कारण काँग्रेस अधिक मजबूत होईल अशी भीती भाजपला वाटत आहे. आसामचे मुख्यमंत्री हुकूमशाही शासन चालवत आहेत, जे सामान्य जनता अजिबात खपवून घेणार नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.