'मी सदानंद शेट शपथ घेतो की...' तानावडेंनी राज्यसभेत मराठीत घेतली खासदारकीची शपथ Video

Sadanand Shet Tanavade takes oath as Rajyasabha MP

सदानंद शेट तानावडे यांनी आज (दि.31) राज्यसभा खासदार म्हणून शपथ घेतली. तानावडे यांनी सभागृहात मराठीत शपथ घेतली. शपथ घेतल्यानंतर त्यांनी राज्यसभा सभापती तथा उपराष्ट्रपती जगदीप धनकड यांच्यासह सभागृहाला अभिवादन केले.

तानावडे मावळते खासदार विनय तेंडुलकर यांच्या जागी बिनविरोध निवडून गेले आहेत. विनय तेंडुलकर 28 जुलै रोजी राज्यसभेतून निवृत्त झाले.

गोव्यातील एकमेव राज्यसभा जागेवर सदानंद शेट तानावडे यांची बिनविरोध निवड झालीय. विनय तेंडुलकर यांच्या जागी तानावडे यांनी आज शपथ घेतली.

विनय तेंडुलकर जुलै 2017 मध्ये राज्यसभा खासदार म्हणून निवडून गेले. विनय तेंडुलकर यांनी यावेळी पंतप्रधान नरेंद्र मोदी, गृहमंत्री अमित शहा, पक्षाध्यक्ष जे. पी. नड्डा आणि भाजप पक्षाचे आभार मानले. मी आज सभागृहातून निवृत्त होत असलो तरी राजकारणातून होणार नाही. येत्या 2024 च्या निवडणुकीत नरेंद्र मोदी यांना निवडून आणण्यासाठी प्रयत्न करणार असे तेंडुलकर म्हणाले.