Goa BJP: भाजपचे मुख्य कार्यालय कदंब पठारावर बांधणार : सदानंद शेट तानावडे

Goa BJP: भारतीय जनता पक्षाने आपल्या कार्यालयासाठी जुने गोवे बायपास महामार्गालगत कदंब पठारावर जागा घेतली आहे.

काही सरकारी पातळीवरच्या परवानग्या घेणे बाकी आहेत, त्या परवानग्या मिळाल्यानंतर या कार्यालयाचा पायाभरणी समारंभ तारीख निश्‍चित केली जाणार असल्याची माहिती भाजप प्रदेशाध्यक्ष सदानंद शेट तानावडे यांनी दिली.

गोवा भाजपचे प्रदेश कार्यालय उभारण्याचे निश्‍चित झाले असून पणजी शहर व परिसरातही जागेची पाहणी केली होती. परंतु तेवढी जागा उपलब्ध होऊ शकली नाही.

त्यामुळे पक्षाने जुने गोवे महामार्गालगत कदंबा पठारावर जागा घेतली आहे. या ठिकाणी भाजपचे मुख्य कार्यालय राहणार आहे.