Goa Politics: 2014 पासून भाजप सरकारच्या काळात देशातील शेतकऱ्यांना कमाल आधारभूत किमतीसह विविध योजनांच्या माध्यमातून अनेक लाभ मिळाले आहेत, असे प्रतिपादन मुख्यमंत्री डॉ. प्रमोद सावंत यांनी केले.
कुंभारजुवे येथे ‘कृषी सेतू’च्या उद्‍घाटन सोहळ्यात ते बोलत होते. यावेळी कुंभारजुवेचे आमदार राजेश फळदेसाई, सरपंच नंदकुमार शेट, गावातील शेतकरी व मान्यवर उपस्थित होते.
‘कृषी सेतू’चा फायदा कुंभारजुवे येथील शेतकऱ्यांना ट्रॅक्टर शेतात नेण्यासाठी होणार आहे. देशभरातील शेतकऱ्यांचे प्रश्न सोडविण्यासाठी पंतप्रधान नरेंद्र मोदी यांनी केलेल्या प्रयत्नांची साक्ष हा पूल आहे.
भाजप सरकारच्या काळात गोव्यात अटल सेतू, ज्ञान सेतू, योग सेतू आणि आता कृषी सेतू असे चार सेतू निर्माण झाले.
शेतकऱ्यांनी तीन कोटी रुपयांचे उत्पन्न घरी आणले, तरच या पुलाचा खर्च वसूल होईल. शेतकऱ्यांनीही बहुविध पिकांच्या शेतीत सहभागी व्हावे, असे डॉ. सावंत यांनी स्पष्ट केले.
कुंभारजुवे मतदारसंघातील विविध विकासकामांना मंजुरी दिल्याबद्दल आमदार राजेश फळदेसाई यांनी मुख्यमंत्र्यांचे आभार मानले.
तीन कोटींचा कृषी पूल
गोवा साधन सुविधा विकास महामंडळाने (जीएसआयडीसी) ३ कोटी रुपये खर्च करून हा पूल बांधला आहे. त्याची लांबी ५० मीटर आणि रुंदी ३.५ मीटर आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
