पणजी : गोव्यात अपघातांची मालिका सुरुच आहे. धारबांदोड्याजवळच असलेल्या संजीवनी साखर कारखान्याजवळ मंगळवारी रात्री भीषण अपघात झाला आहे. या अपघातात तिघेजण गंभीर जखमी झाल्याची माहिती आहे. अपघातानंतर तातडीने तिन्ही जखमींना उपचारासाठी बांबोळीतील गोमेकॉ हॉस्पिटलमध्ये दाखल करण्यात आलं आहे.
धारबांदोडा परिसरात संजिवनी साखर कारखान्याजवळच मंगळवारी रात्री दुचाकीचा भीषण अपघात पाहायला मिळाला. हा अपघात इतका भीषण होता की यात दुचाकीचं पुढचं चाक तुटून बाजूला आलं, तसंच दुचाकीचा चक्काचूर झाला. अपघाताचं नेमकं कारण समजू शकलेलं नाही. मात्र या अपघातात तिघेजण जखमी झाले आहेत. जखमींना उपचारासाठी गोमेकॉत दाखल करण्यात आले आहे.
दुसरीकडे गोव्यात अटल सेतूवरही अपघातांची मालिका सुरुच आहे. रविवारी रात्री झालेल्या तीन वाहनांच्या विचित्र अपघातानंतर सोमवारी पुन्हा एकदा या सेतूवर अपघात झाला आहे. एका भरधाव कारची वीजेच्या खांबाला धडक बसल्याने भीषण अपघात झाला. अपघातात कारच्या दर्शनी भागाचं मोठं नुकसान झालं. रविवारी खड्डा चुकवण्याच्या नादात ब्रेक मारल्याने तीन कारचा विचित्र अपघात झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
