पणजी : गोव्यात अपघातांचं सत्र सुरुच आहे. यातच भर म्हणजे पणजी बसस्थानकाजवळ दुचाकीचा अपघात पाहायला मिळाला आहे. मंगळवारी सकाळी अटल सेतूखाली हा अपघात झाल्याची माहिती आहे. अपघातात दुचाकीस्वार जखमी झाला असून त्याला उपचारांसाठी रुग्णालयात दाखल करण्यात आलं आहे.
पणजीजवळच असलेल्या बांबोळी येथे काल सोमवारी एका कारचा भीषण अपघात झाला होता. अपघातग्रस्त कार महाराष्ट्रातील असून हा स्वयंअपघात झाल्याचं सांगितलं जात आहे. अपघातात एकजण जखमी झाला असून त्याला जवळच असलेल्या गोमेकॉमध्ये उपचारासाठी दाखल करण्यात आलं आहे. दुभाजकाला धडकल्याने कारचा टायर फुटला. दरम्यान अपघाताचं कारण अद्याप अस्पष्ट असलं तरीही चालकाचं कारवरील नियंत्रण सुटल्यामुळे अपघात झाल्याचं बोललं जात आहे.
दुसरीकडे रविवारी रात्री उशिरा कुचेली म्हापसा येथे प्रवासी रिक्षाचा अपघात झाल्याची माहिती आहे. या अपघातामध्ये रिक्षा कलंडल्याने रिक्षाचालक गंभीर जखमी झाला आहे. त्याच्यावर उपचार सुरु आहेत. कुचेली येथील पुलावर हा प्रवासी रिक्षाचा अपघात झाला आहे. गोव्यात गेल्या काही दिवसांमध्ये अपघातांचं प्रमाण वाढलं आहे. त्यातच पावसामुळे अनेक ठिकाणी अपघात होत असल्याचं दिसत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
