डिचोली: डिचोलीत ट्रकची दुचाकीला धडक बसून झालेल्या अपघातात दुचाकीस्वार युवक केवळ सुदैवाने बचावला. हा अपघात आज (शनिवारी) सायंकाळी पावणेसहाच्या सुमारास बगलमार्गाला जोडून म्हावळिंगेच्या दिशेने गेलेल्या रस्त्यावरील जंक्शनवर घडला.
यासंबंधी घटनास्थळावरून मिळालेल्या माहितीनुसार, मोटारसायकलवरून एक युवक बगलमार्गे बसस्थानकाच्या दिशेने येत होता. मोटारसायकलस्वार म्हावळिंगे रस्त्याच्या जंक्शनवर पोचला, त्याचवेळी साखळीहून येणाऱ्या ट्रकचालकाने ट्रक उजव्या बाजूने म्हावळिंगेच्या दिशेने आत वळवण्याचा प्रयत्न केला. त्यावेळी ट्रकची समोरून येणाऱ्या मोटारसायकलला जोरात धडक बसली. त्यात मोटारसायकल रस्त्यावर आडवी झाली. या अपघातात किरकोळ जखम वगळता दुचाकीस्वार सुदैवाने बचावला. अपघातात मोटारसायकलची मात्र मोडतोड झाली. हे प्रकरण पोलिसांपर्यंत न नेता नंतर आपसात मिटवण्यात आल्याचे समजते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.