Bicholim Traffic Signal: ..अखेर डिचोलीतील ‘सिग्नल यंत्रणा’ कार्यान्वित! वाहनचालकांमध्ये समाधान

Bicholim Traffic Signal

डिचोली: गेल्या महिन्यापासून बंद पडलेली डिचोली शहरातील ‘सिग्नल यंत्रणा’ अखेर कार्यान्वित करण्यात आली आहे. पूर्वीप्रमाणे ‘सिग्नल यंत्रणा’ सुरु झाल्याने आता छत्रपती शिवाजी महाराज सर्कलजवळील वाहतुकीत आता सुसूत्रता आली असून, अपघातांचा धोका टळला आहे.

सिग्नल यंत्रणा कार्यान्वित झाल्यामुळे वाहनचालकांमध्ये समाधान व्यक्त होत आहे.

वाहतुकीवर तसेच अपघातांवर नियंत्रण येण्यासाठी तीन वर्षांपूर्वी येथील छत्रपती शिवाजी महाराज सर्कलजवळ सिग्नल यंत्रणा बसविण्यात आली आहे.

सिग्नल यंत्रणेची व्यवस्था करण्यात आल्याने सर्कलजवळील वाहतुकीवर नियंत्रण येण्यास मदत होत आहे.

‘गोमन्तक’ मधून या समस्येविषयी वृत्त प्रसिद्ध झाले होते. संबंधीत कंत्राटदार कंपनीने तांत्रिक बिघाड दूर करुन आता सिग्नल यंत्रणा कार्यान्वित केली आहे.