डिचोली: डिचोलीत मंदिरे फोडण्याचे प्रकार वाढले असतानाच, आता शहरातील एक घर फोडण्याची घटना घडली. या घरफोडीमुळे शहरात खळबळ माजली आहे. मुस्लिमवाडा-डिचोली येथील मोहम्मद इक्बाल मामलेकर यांच्या घरात तीन दिवसांपूर्वी ही चोरी झाली आहे.
मामलेकर यांच्या घराच्या खिडकीचे ग्रील्स तोडून चोरट्यांनी आत शिरून घरातील रोख ९.५ लाख रुपये , २८४०० यूएस डॉलर्स तसेच विविध प्रकारचे सुवर्णलंकार लंपास केल्याची तक्रार डिचोली पोलिसांत दाखल झाली आहे.
चोरांनी लंपास केलेला ऐवज एक कोटीच्या घरात असल्याचे समजते. या चोरीप्रकरणी डिचोली पोलिसांनी पंचनामा केला असून गुन्हा नोंद करण्यात आला आहे. वरिष्ठ अधिकाऱ्यांच्या मार्गदर्शनाखाली डिचोली पोलिस पुढील तपास करीत आहेत.
दरम्यान राज्यातील विविध भागात सातत्यानं वाढत असलेल्याच चोरीच्या प्रकरणांमुळे चोरीला आळा बसावा यासाठी शासन पातळीवर विशेष प्रयत्न व्हावेत अशी अपेक्षा नागरिकांतून व्यक्त होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.