डिचोली: डिचोलीतील कारेश्वर मंदिर परिसरात कॅनरा बँकेच्या एका ७४ वर्षीय पिग्मी कलेक्टरला लुटल्याची घटना घडली. संशयित आरोपीने वृद्धाकडून ४३,०९० रुपयांची रोकड हिसकावून पळ काढला होता. मात्र, परिसरातील नागरिकांनी तत्परता दाखवत आरोपीचा पाठलाग केला आणि पोलिसांच्या मदतीने त्याला जेरबंद केले. पोलिसांनी या प्रकरणी अमित गुज्जर (२०) या तरुणाला अटक केली असून चोरीला गेलेली सर्व रक्कम हस्तगत केली आहे.
मिळालेल्या माहितीनुसार, संबंधित वृद्ध पिग्मी कलेक्टर नेहमीप्रमाणे बँकेचे पैसे जमा करून जात असताना ही घटना घडली. निर्जन ठिकाणाचा फायदा घेऊन आरोपीने त्यांना लुटले. मात्र, चोरीची घटना समजताच स्थानिकांनी आरडाओरडा करत चोराचा पाठलाग सुरू केला. काही अंतरावरच नागरिकांनी अमित गुज्जरला पकडले आणि तातडीने पोलिसांच्या स्वाधीन केले.
डिचोली पोलिसांनी या प्रकरणी चोरीचा गुन्हा नोंदवला आहे. या चोरीच्या कटात अमित गुज्जरसोबत अजून कोणाचा हात होता का, याचा तपास पोलीस करत आहेत. ७४ वर्षांच्या वृद्धावर झालेल्या या हल्ल्यामुळे परिसरात संताप व्यक्त केला जात असला तरी, नागरिकांनी दाखवलेल्या शौर्याचे सर्वत्र कौतुक होत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.