डिचोलीत जलवाहिनीला भगदाड, पाण्याची नासाडी

दुरुस्ती करण्याकडे साफ दुर्लक्ष
Bicholim pipe line burst
Bicholim pipe line burstDanik Gomantak
Published on: 
Updated on: 

डिचोली : एका बाजूने डिचोलीतील काही भागात पाण्याची समस्या असताना, दुसऱ्या बाजूने मात्र चक्क शहरात प्रचंड प्रमाणात पाण्याची नासाडी सुरू आहे. राज्य महामार्गाअंतर्गत येणाऱ्या बगलमार्गावर नाईकनगर-बोर्डे परिसरात मोठी जलवाहिनी फुटून प्रचंड प्रमाणात पाण्याचा अपयव्य होतोय. ही जलवाहिनी नेमकी कधी फुटली, त्याची निश्चित माहिती मिळाली नसली तरी किमान पंधरा दिवस उलटून गेल्याची खात्रीलायक माहिती आहे. (Bicholim pipe line burst)

नाईकनगर भागातील एका नागरिकाने या माहितीस दुजोरा दिला. बगलमार्गावर बांधकाम चालू असलेल्या छोट्या पुलाजवळून गेल्या महिन्यापासून पाणी वाहत आहे, असे त्यांनी सांगितले. मिळालेल्या माहितीनुसार या जलवाहिनीतून पडोसे जलशुद्धीकरण प्रकल्पाद्वारे अस्नोडा प्रकल्पात पाणी पुरवण्यात येत आहे.

Bicholim pipe line burst
दूधसागर नदीत 24 वर्षीय तरुणाचा बुडून मृत्यू

नाईकनगर-बोर्डे परिसरात बगलमार्गावर बांधकाम सुरू असलेल्या पुलाजवळून गेलेल्या मोठ्या जलवाहिनीच्या जॉईंटमधून मोठ्या प्रमाणावर पाणी वाहत आहे. त्यामुळे दरदिवशी हजारो लिटर पाणी वाया जात आहे. जलवाहिनीत बिघाड नेमका कसा झाला, ते समजू शकले नसले तरी पुलाचे काम करताना जलवाहिनीचा जॉईंट सुटला असावा असा अंदाज आहे.

दुरुस्ती करण्याकडे साफ दुर्लक्ष

ज्या ठिकाणी जलवाहिनीत बिघाड झाला आहे, त्या ठिकाणी सहजासहजी कोणी फिरकत नाही. त्यामुळे हा प्रकार कोणाच्या लक्षात येत नसावा असे गृहीत धरले, तर पुलाचे बांधकाम करणारे कामगार आणि कंत्राटदार यांचा त्या ठिकाणी वावर असतोच. मात्र अद्यापही या जलवाहिनीची दुरुस्ती करण्याकडे लक्ष गेलेले नाही. उलट बाहेर वाहणाऱ्या पाण्यासाठी वाट करून दिल्याचे दिसून आले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

Pramod Sawant supports Jit Arolkar in Mandrem
Goa Assembly elections 23 constituencies
Canacona Silent Protest
 Yuri Alemao Girish Chodankar