Bicholim Murder Case: दुसऱ्या पत्नीचा गळा दाबून केला होता खून; आसामच्या कामगाराला पणजी न्यायालयाने सुनावली जन्मठेप

डिचोलीत घडले होते प्रकरण; पहिल्या पत्नीचीही केली होती हत्या
Bicholim Murder Case
Bicholim Murder CaseDainik Gomantak

Court Decision on Bicholim Murder Case : गोव्याच्या डिचोली तालुक्यात 2016 मध्ये झालेल्या पत्नीच्या खून प्रकरणात पती अमितकुमार दास (49)याला पणजी न्यायालयाने जन्मठेपेची शिक्षा सुनावली आहे. दास हा मूळचा आसामचा रहिवासी आहे.

हेलन सरकार ही त्याची दुसरी बायको होती. दरम्यान, दास याने पहिल्या पत्नीचाही खून केला होता.

अमितकुमार दास हा डिचोली-कुडचडे येथे पत्नी हेलन सरकार हिच्यासोबत राहत होता. त्याने तिचा खून करून पुरावा नष्ट करण्याचा प्रयत्न केला. त्यापुर्वीच त्याने हणजुणे किनाऱ्यावर त्याची पहिली पत्नी मनदीपा हिचीदेखील हत्या केली होती. पोलिसांना त्याने तशी कबुली दिली आहे.

Bicholim Murder Case
Meenaskhi Lekhi Goa Visit: गोव्यात प्राचीन जहाजाची बांधणी; ओल्ड गोवा जेटीवर मंत्री मीनाक्षी लेखी यांच्याहस्ते शुभारंभ

2016 मध्ये फेब्रुवारीच्या दुसऱ्या आठवड्यात हेलन लग्न करून 21 फेब्रुवारीला तो गोव्यात आला होता. तो येथे सेल्समन म्हणून काम करत होता. त्याला पहिल्या पत्नीपासून एक मुलगी होती.

हेलन आणि अमित यांचे भांडण झाल्यावर त्याने चिडून तिची गळा दाबून हत्या केली होती. पोलिसांसमोर खुनाची कबुली देताना संशयातून त्याने हेलनचा खून केल्याचे म्हटले होते.

त्यानंतर त्याने हेलनचा मृतदेह खडकाच्या खाणीत टाकून पुरावा नष्ट करण्याचा प्रयत्न केला होता. दगड पडून तिचा मृत्यू झाल्याचे त्याने सुरवातीला पोलिसांनी सांगितले. दुर्गंधी येऊ लागल्याने या खूनाला वाच्यता फुटली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com