Leopard In Goa: ..पुन्हा बिबट्याची डरकाळी! डिचोली परिसरात दहशत; रात्री रस्त्यांवर शुकशुकाट

Leopard In Bicholim: लोक रात्रीच्यावेळी आपल्या घराबाहेर पडताना सतत सावध राहतात आणि अंधारात फिरताना बिबट्याच्या अचानक येण्याची भीती वाटते.
Leopard Attack News
Goa Leopard Newscanva
Published on
Updated on

डिचोली: शहराजवळील कृष्णानगर-गोविंदनगर परिसरात गेल्या तीन-चार दिवसांपासून बिबट्याने दहशत माजविली आहे. विशेषतः पाळीव कुत्र्यांवर हल्ला करून त्यांना फस्त करण्याचे सत्र सुरू असल्याने स्थानिक नागरिक भयभीत झाले आहेत.

लोक रात्रीच्यावेळी आपल्या घराबाहेर पडताना सतत सावध राहतात आणि अंधारात फिरताना बिबट्याच्या अचानक येण्याची भीती वाटते.दोन दिवसांपूर्वी कृष्णानगर भागात राहणाऱ्या मुखिया यांच्या पाळीव कुत्र्यावर बिबट्याने हल्ला करून त्याला फस्त केले, यामुळे परिसरात भीतीचे वातावरण पसरले.

गुरुदास गावडे असे स्थानिक नागरिकांनी सांगितले की, बिबट्याच्या दहशतीमुळे लोक सुरक्षिततेसाठी रात्री घराबाहेर न पडण्याचा प्रयत्न करत आहेत. वन खात्याने या परिस्थितीवर नियंत्रण मिळवण्यासाठी शनिवारी पिंजरा लावण्याची कारवाई सुरू केली आहे. वन खात्याचे अधिकारी परिसरात तैनात राहून बिबट्याचे निरीक्षण करत आहेत आणि शक्य तितक्या लवकर त्याला पकडण्याचा प्रयत्न सुरू आहे.

Leopard Attack News
Goa Leopards: कुत्री भुंकली म्हणून बाहेर गेले, तर समोर 'बिबट्या'; डिचोली परिसरात वाढती दहशत

कृष्णानगर-गोविंदनगर भागातील नागरिकांनी सतर्क राहण्याचे आवाहन केले आहे. विशेषतः रात्रीच्या वेळी एकटे फिरणे टाळावे आणि पाळीव प्राण्यांना घरात ठेवावे, असेही स्थानिकांनी सांगितले.

Leopard Attack News
Goa Leopard: रात्री 11 वाजता कुत्र्याला पळवले, शिगाव परिसरात बिबट्याचा धुमाकूळ; ग्रामस्थांची उडाली झोप

वन खात्याच्या पिंजर्‍यावरील कारवाईनंतर नागरिकांच्या मनात काही प्रमाणात सुरक्षिततेची भावना निर्माण झाली आहे, पण बिबट्याचे दर्शन झाल्याची शक्यता लक्षात घेऊन सतर्क राहणे आवश्यक आहे.याप्रकारे, डिचोली परिसरातील नागरिकांना बिबट्यामुळे जीवित सुरक्षिततेसंबंधी काळजीची सत्र सुरू असून वन खात्याची कारवाई सुरू आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com